ÆVINTÝRI Í ELDHÚSINU

„Danskt“ Rúgbrauð með byggi

Ég veit ekki hvað ég hef oft prófaða að gera svona alvöru Danskt rúgbrauð, en einhvernvegin ekki komist uppá lag með þetta fyrr en ég og minn eldhúsvinur (chat gpt) unnum þessa uppskrift saman.... og síðan þá hefur hún verið bökuð aftur og aftur og er alltaf til í frysti. En hér kemur uppskriftin 

• 4 dl soðið bygg (soðið, kælt – ekki mauk)

• 5 dl volgt vatn

• 2 tsk þurrger

•  2 msk síróp eða hunang

• 2 tsk salt

• 300 g rúgmjöl

• 150 g heilhveiti eða hveiti

• 50–100 g fræ (sólblóma, hörfræ, graskersfræ – það sem þú átt)

• 2 msk súrmjólk

Aðferð:

Leysið gerið upp í volgu vatni með sírópi.

Hrærið soðna bygginu saman við (passið að það hafi lekið alveg af þvi´svo deigið verði ekki allt of blautt)

Bætið við salti, súrmjólk og fræjum.

Hrærið mjölinu saman við – þetta er mjög þykkt deig, meira eins og grautur en hnoðdeig.

Setjið í smurt rúgbrauðsform (þrýsta vel niður).

 Látið hefast í 1–1,5 klst (bara aðeins, það á ekki að tvöfaldast).

Bakið við 180°C í 75–90 mínútur

ef toppurinn dökknar of fljótt, setjið álpappír yfir.

Kælið alveg áður en skorið er (helst daginn eftir).

Þetta er fullkomið sem „ smörrebröd“ og dásamlega gott með kæfu og laxi. Ég mæli með að skera það í sneiðar daginn eftir og frysta og þar sem þetta er frekar blautt brauð þá er sniðugt að setja smjörpappír á milli sneiða ef maður vil geta tekið út eina og eina sneið í einu úr frystinum.

Verði þér að góðu.

Kinoa kex /snakk

Afgangur af soðnu kínóa (ca 2-3 bollar)

1 egg

Ólífuolía ca 2 msk.

Smá fræ ef þið viljið, ég notaði 2 msk chia fræ og 2 msk hörfræ

1-2 dl rifinn ostur

Krydd eftir smekk, ég notaði hvítlaukssalt og smá chili.

Þjappið á ofnplötu klædda bökunarpappír og bakið á 170 þar til  kexið er orðið stökkt og gullið, ég snéri mínu við eftir ca 15 mín í ofninum og bakaði í 10 mín í viðbót til að hafa það stökkt og poppandi báðumegin.

Þetta fær sko verðlaun frá mér og ég vona að þú prófir og það heppnist jafn vel hjá þér :)

Endilega láttu mig vita þegar þú prófar, hvernig það gekk

Gangi þér vel :)

„Plat“ súrdeigs brauð

• 500 gr. Hveiti
• 2 tsk salt
• 1 tsk þurrger
• 500 gr. Volgt vatn

Bragð ef þið viljið - dæmi:

• 100 gr. Ólífur í sneiðum
• eða Trönuber
• eða Kanill og möndlur
•  eða Fræ, t.d. Grasker eða sólblóma

Aðferð:

Blandið saman öllum hráefnunum, ekki hafa áhyggjur þó degið sé blautt, það á að vera það :)

Látið standa í skál á borði með plastfilmu/disk yfir og “gleymið” deginu á borðinu í 6-12 tíma, snilld að gera þetta að kvöldi og baka svo morguninn eftir.

Eða gera að morgni og baka geggjað kvöldverðarbrauð.

Hitaðu ofninn í 230°

Eftir biðtíman tekur þú deigið úr skálinni og veltir því upp úr hveiti svo deigið sleppi… þ.e. hætti að vera klístrað, notaðu eins lítið og þú getur og mótar kúlu, EKKI hnoða deigið, já ég sagði EKKI hnoða deigið en við viljum samt hafa hveiti utan á.. Æi þú veist það verður svo miklu meira fansí :) 

 Svo leggurðu kúluna á smjörpappír í ofnfast ílát með loki. Bakar með lokinu í ca 30 mínútur, tekur lokið af og bakar áfram í ca 30 mín. Þú gætir þurft að lækka hitan aðeins í restina til að brenna ekki brauðið.

Þá er komið að erfiðasta partinum…. Það þarf að bíða í smá stund … ca 10 mín eftir að þú tekur brauðið út úr ofninum áður en þú ferð að skera það.

Svo er bara að njóta og monta sig… því þetta er geggjað brauð.
Gangi þér vel :)